修身堂代言人之一的安雅近日因涉嫌在台灣服食搖頭丸，修身堂發聲明暫停她所有的宣傳活動。身為修身堂老闆的張玉珊，昨日出席美麗華酒店舉行的拍賣二手衫活動時說：「公司希望保持代言人形象健康，出聲明唔係我一個人嘅決定，重有其他股東，我為呢件事同佢哋傾咗三個鐘，但私底下我係絕對支持安雅嘅。我哋只係暫時中止宣傳，我構思緊十一月再同安雅拍多輯廣告，但到時同佢傾合約可能會加啲附加條件，安雅嘅性感形象係我一手一腳塑造出嚟，我唔會咁輕易放棄。」
對於有消息指修身堂公司的一幅海報被膠紙封住，張玉珊說：「我幾時講過係安雅㗎？但亦都唔係章小蕙。本來想打開台灣市場，諗住搵章小蕙做代言人，但𠵱家個計劃推遲咗啫。」
採訪、攝影：何永寧