關禮傑昨日偕同太太和兩名女兒，在九龍塘為蒙娜麗莎婚紗店拍攝全家福廣告。關禮傑夫婦穿上禮服及婚紗，一對分別七歲和九個月大的女兒，都穿了花女的服裝，十分可愛。
問到關禮傑這次拍全家福廣告的酬勞，他說：「酬勞普通，我哋遲啲會拍一輯悠閒服。呢次拍攝結婚相，係喺我哋結咗婚十二年再拍，可以重溫當年結婚嘅回憶，都好開心。」
已是兩女之父的關禮傑，有否渴望可以追個兒子？他說：「唔使刻意，我哋家庭冇壓力。」關禮傑近日已簽約無綫，重返娘家，他說：「我簽咗三部部頭約，但重未知拍乜。近年我長時期喺內地發展，變咗喺香港都冇乜人識，我都想多番啲知名度。」
採訪、攝影：胡比