年僅三十五歲的余國森，自幼患有心漏症隱疾，但卻從沒診治，日前凌晨外出消夜後返回住所，突感不適，其兄阿強召喚救護車將他送院救治，已返魂乏術。本身有家庭負擔的阿強正為籌措胞弟殮葬費而着急，蘋果日報慈善基金即時撥款援助。
「我聽爸爸講過細佬有心漏病，但佢一路都唔使睇醫生，今次呢件事都唔知同佢呢個病有冇關係。」三十六歲的阿強說。
與胞弟同住的阿強憶述，本月二日凌晨三時許，阿森吃過消夜後返家，顯得神志不清，其間亦曾嘔吐，額頭及左肩均有損傷，當時阿森表示乃返家途中跌倒所致，其後上床就寢，不久臉色發黑，送院後證實不治。
阿森原職茶餐廳散工，約一年前失業，靠阿強間中接濟。
「我本身都有老婆同一個四歲大嘅仔喺深圳，個個月都要攞家用返上去，我份工收入又唔穩定，唔係成日有工開，所以今次細佬死咗，我都唔知去邊度籌呢筆殮葬費。」任職電器維修技工的阿強無奈地說。蘋果基金有見阿強的困境，即時從「殮葬專戶」中撥款一萬元，助他辦理亡弟身後事。
捐款編號：C0583
暖流熱線
電話：29908688
傳真：23702192
電郵：
網址：