陳冠希（Edison）、梁漢文和李惠敏昨出發到大馬做騷，對於蘇永康在台因搖頭丸事件被捕，曾牽涉入毒品郵包的Edison說：「唔關我事，希望佢（蘇永康）可以快啲冇事，我見過佢兩次，佢幾好人，但我同佢唔熟，所以我先講唔關我事啫。」梁漢文則說：「康仔心情OK，我哋都有通過一、兩次電話。」語畢即匆匆入閘，但隨即回頭說：「冇做過就唔使驚。」至於李惠敏亦力撐康仔。
徐濠縈前晚往銅鑼灣出席香水活動，對於好友蘇永康在台被捕一事，她說：「我同Eason（陳奕迅）都覺得佢好唔好彩，Eason有打電話問候佢，而我就有打電話搵佢太太，我哋平時叫佢做『阿公』，佢生活好正常，重成日叫我同Eason上佢屋企食飯㖭。」
對於身邊好友頻頻惹上麻煩，徐濠縈她說：「我覺得今年我哋成班人都好唔好彩，Eason同霆鋒都有事，不過人紅自然多人寫。」
採訪、攝影:梁錦雯