世界各地都大受歡迎嘅HelloKitty，相關周邊產品不計其數，當中亦唔少得一眾PCGame、桌面主題等軟件。今日介紹呢隻《HelloKittyFootballClub2002》就首次將吉蒂貓3D立體化，兼且以足球遊戲形式登場，一於將世界盃熱潮推向高峯。
記者、攝影：徐影龍
ImageGirl：Patsy
SanrioVivitix、SanrioGiftGate、Kalms及各大書局，或可在網上訂購（
售價：限量珍藏版$420，普通版$150
查詢：TYPHOONGAMESLTD.（25402013）
呢隻《HelloKittyFootballClub2002》不單食正世界盃熱潮，畀玩家一嘗踢波剌激，而且重將吉蒂貓加入遊戲入面，以3D立體造型出現，陪玩家一齊踢波。遊戲內嘅吉蒂貓及各式人物以約二千個多邊形繪製，所以立體化後相當精美，畀人感覺唔會太古怪，加上動作得意有趣，如吉蒂貓剷波等動作，令人一邊玩一邊發出會心微笑。吉蒂貓會以多種身份加入遊戲內，不單可落場踢波，亦可揀以球證身份登場，相當過癮，而且Sanrio旗下其他角色如XO、大口仔、MyMelody等亦會以啦啦隊形式出現。
咪以為將吉蒂貓加入世界盃遊戲，隻Game就玩玩吓唔會認真咁去編寫。《HKFC2002》由歐洲資深發展商及設計師共同開發，遊戲內一切都極力模擬真正世界盃環境，例如國家分組賽事，中國、巴西、土耳其同哥斯達黎加真係編埋同一組，對於現實中賽果有不滿嘅玩家，可以憑自己實力將賽果扭轉，甚至乎帶領中國奪取雷米金盃㖭。遊戲內亦可設定各種天氣變化，如下雨或晚上賽事等，亦可揀選五個不同足球場。
遊戲內除自由挑戰等單打模式外，最正係支援連線對戰，三五知己隨時開波過踢波癮。《HKFC2002》可透過TCP/IP作通訊制式，在內聯網間作連線對戰，要注意係遊戲支援DirectX嘅TCP/IP連線，故此跟Game已經有埋DirectX8.1版本，若玩家電腦安裝的是較舊版本，安裝遊戲後亦不妨一併安裝最新版DirectX，以提高連線對戰時嘅相容性及穩定性。
呢隻Game會喺今日開始在港發售限量珍藏版，內容包含遊戲光碟、說明書、附有編號的保用證書，最吸引係印有HelloKitty嘅波衫同襟章，重有一個襯到絕嘅鞋袋做包裝，成套限量珍藏版全球只有二千套，據知日本已佔當中六百套，香港亦獲五百套配額，所以顯得非常珍貴，售價$420。本月底重會推出只有遊戲CD的普通版，售$150。
TyphoonGames(HK)Limited特別送出二十隻《HelloKittyFootballClub2002》遊戲光碟及sanriotown海報給蘋果讀者。請將姓名、電話等個人資料以電子郵件方式寄去