何超儀 ：我信康仔清白，我同佢八、九年朋友，藝人回應呢件事時講嘢要小心啲，為自己講過嘅嘢負責，嗰啲同康仔唔熟嘅朋友，要諗清楚先好講，今次唔係緋聞或者醜聞，係一個case，一日之間見人心，有人一日之間同佢劃清界線，作為朋友，我希望佢得到公平嘅待遇，我會繼續支持佢。
Rosemary ：呢件事我真係難以置信，我平時同安雅傾偈，佢都會講話唔好食毒品，我都同佢一齊去過夜店，但感覺上佢係一個穩陣嘅人。
蔡卓妍 ：我對件事有質疑，蘇永康好nice，好好人。
楊千嬅 ：我同康仔同一間經理人公司，佢唔係唔理智嘅人，人生嘅際遇冇辦法預計，佢係勇敢嘅人，會樂意去承擔呢件事，今次亦可以當係經一事長一智，我作為同事會支持佢。
馬浚偉 ：我識咗康仔十年，無論佢有冇食過我都希望佢吉人天相，但有冇都會對佢好大傷害。
許志安 ：我百分百信任康仔，佢同我係識咗十幾年嘅朋友。