莊家近期得心應手，呢排應有唔少人損手，不妨排除正路分析，純跟盤路走勢出擊。另外葡萄牙鋒將包列達今日有機再添進帳，目前神射手賠率有十倍，要捧場係時候。
呢輪啲落飛盤好似都唔係幾掂，好似前日英格蘭對尼日利亞，英格蘭由初盤讓一球高水，一路打到去臨場變成讓一球?球半低水；西班牙對南非又係咁，初盤西班牙讓一球，唔夠一陣就即刻跳到去讓半球，最後重試過去到平手?半球，睇嚟有唔少人「瀨嘢」，亦證明咗莊家呢輪開啲盤都幾準，贏番大家之前落袋嗰啲！
雖然呢排啲波好似好難玩，但其實綜觀一下條盤路，都重係好似幾日前所講咁；連開兩場就轉一次，兩個下盤之後就到開上盤，無話冧到去第三口，不妨留意吓呢個情況。
講今日嘅另類攻略之前，想再講多一個情況，關乎到大家嘅利益，就係有啲賭波公司嘅派彩賠率偏低，食水都幾深，愛爾蘭炒沙地得六倍，但有啲公司有九倍；阿根廷對瑞典場波，中正一比一波膽嘅臨場賠率，竟然只得五點五倍，但有啲公司七倍！雖則一比一係永遠嘅大熱波膽，但呢場波阿根廷讓到一球，所以呢個波盤賠率真係熱得有啲過份，就咁博個和局，個分頭都差唔多啦！所以如果有心嘅話，應該睇多幾間公司格吓價位先。
今日已經踢到最後四場分組賽，其中葡萄牙對南韓應該幾好睇，南韓方面就話到明同你鬥攻，實行用進攻來做防守；而葡國個前鋒包列達上仗功架盡顯，今場隨時又因對手主攻而又有進帳，𠵱家佢嘅神射手分頭重有十倍左右，值得支持。文：華度