Twins寫真集附送的拍攝花絮VCD中，收錄了蔡卓妍講粗口的片段。前晚蔡卓妍出席電影首映時否認自己講粗口，並指公司不會如此疏忽，只是不喜歡她的人才會認為她是講粗口。
電影《這個夏天有異性》前晚在尖沙嘴海運戲院舉行首映，有份主演的Twins、Shine和王傑都有出席，另外前往捧場的還有陳冠希及新人AngelaC等。
早前Twins到馬來西亞拍攝寫真集，隨書附送的拍攝花絮VCD中，收錄了蔡卓妍講粗口（「叉×晒出嚟舒服啲呀！」）片段，蔡卓妍講完後知道自己講錯說話，做出古怪表情，此片段近日並於網上流傳。
前晚蔡卓妍回應此事時否認講粗口，她說：「我有睇過呢個片段，係好耐之前嘅事，當時好多證人喺現場，包括雜誌嘅老闆同工作人員，我講過嘅話，我會認，唔好屈我。VCD只係拍寫真嘅花絮，公司又點會咁疏忽呢？唔鍾意我嘅人會話我講粗口。我覺得呢件事冇必要追究，只要公司同家人信我就得，我覺得呢啲新聞好好笑、好無聊。」
而Twins昨日往九龍塘出席「太陽計劃」活動時，蔡卓妍又說：「我冇講粗口，清者自清，把口喺人哋度，我都控制唔到，但我有懶音，都要改吓自己嘅咬字。至於話我講完之後做咗個古怪表情，係因為我啲腳趾叉晒出嚟，人哋見到會覺得肉酸，先至做出嚟啫。」而鍾欣桐亦說：「佢（蔡卓妍）都冇講過，兩個音都唔同。」
此外，有報道指王傑在《這》片中原本戲份甚少，幸得英皇為他爭取才加了戲份，報道更用「豬頭骨」來形容王傑。王傑對此說：「冇所謂，豬頭骨煲湯好飲，冇骨嘅湯唔好飲。如果冇人寫我，我已經俾人忘記咗，藝人要靠是非先有人記得。」
採訪：魯萍
攝影：陳慧安