國務院新聞辦公室主任趙啟正，演講有一手。昨日趙主任喺《大公報》報慶活動上發言，一開始就認自己係道瓊斯有線訂戶，不過月費太貴，即場叫在場嘅美國道瓊斯副總裁減吓價。趙主任又話對今屆世界盃中國輸波唔失望，因為以前只有睇人踢，現在自己有份踢，已經係進步。佢覺得香港傳媒關於中國隊嘅報道充滿理解和同情，內地觀眾亦好成熟。
趙主任又好識做，大讚香港超前內地二十年，世界資本將來仍要透過香港進入內地。不過提到最近嘅招商熱，八方估唔到趙主任咁敢言，竟話得罪講句：幾百人的招商團根本無必要；因為唔會有投資者會喺熱烈嘅氣氛中決定數以千萬嘅投資。佢自己做浦東領導時就從來唔會搞招商團，只會帶幾個人嚟傾宏觀政策。咁實事求是嘅幹部真係唔多見。
（圖）國務院新聞辦公室主任趙啟正
傳真︰2623-9278
電郵︰