今次世界盃證明中國足球水平要走向世界球壇，前線依然要走一段好長嘅路，但係對中國球迷來講，的而且確係一次學習如何用和平方式，在場內與對方球迷抗爭到底好機會。
中國隊一如所料三戰三敗完成分組賽後，提前返歸享受假期；有時睇見好多中國球迷好開心入場，最後帶住失望心情離開，佢哋嘅心情可以理解。其實，唔少中國球迷，真係識得用適當打氣方式支持國足，力抗在場對方擁躉，齊心程度雖然不及南韓同埋日本球迷；但能夠有一種享受世界盃氣氛意識，已經係一個好開始。
好多人認為，球迷打氣聲音會為球員加添壓力，但小記認為會是球員的動力。
其實，小記亦睇見唔少香港人嚟到南韓，支持中國隊嘅投入程度不比其他國內省市球迷專美；有次見到一幅巨型中國國旗連同香港區旗，係由一班港球迷訂做嘅，反映香港球迷其實都可以好投入，同埋攞出熱誠去到球場支持自己球隊。