楊千嬅、陳奕迅（Eason）和何超儀主演的新片《慳錢家族》，直至前日為止，票房收入約三百七十八萬元，而電影公司為慶功，前晚特別安排部份演員到北角的東寶大牌檔晚膳，共設了七席，不連酒水埋單約九千多元。
千嬅為慰勞幕前幕後工作人員，特別到附近買了四百八十多元水果請大家吃。千嬅說：「我鍾意食大牌檔嘅炒蜆，好有鑊氣。我都唔怕被人騷擾，最多係fans埋嚟攞簽名。」
對於有傳Eason年底約滿英皇後因不滿工作安排而不續約，Eason說：「我幾耐約係商業秘密，外間成日傳英皇畀太多嘢我做，其實係我自己要求，我冇嘢做會周身唔自在，只係有時錄音唔在狀態會呻吓，有時把聲唔好個人會𤷪。」
採訪：馮美茵
攝影：陳慧安