Biotherm忠實擁躉有回報<br>向海嵐唔使錢扮靚

Biotherm忠實擁躉有回報
向海嵐唔使錢扮靚

向海嵐一向是楊千女華擔任代言人的Biotherm護膚品忠實擁躉,近日她更獲該品牌垂青,未來幾年向海嵐可免費使用Biotherm之產品,令她在護膚方面省回一大筆。

向海嵐早前發覺Biotherm十分適合她的皮膚,於是便轉用該牌子,沒料到有關方面見向海嵐對該牌子如此熱愛,竟然主動向向海嵐提議,贊助她全線護膚產品,令向海嵐驚喜不已,想不到自己會由顧客變成被贊助的藝人。

拍劇怕飲水
事實上,獲該品牌贊助的圈中名人及藝人,數目寥寥可數,今次向海嵐被看中可算幸運。
向海嵐日前到又一城Biotherm專門店,索取近日推出的一種全新保濕護膚產品,向海嵐表示她是一個十分容易缺水的人,她說:「我哋拍外景嘅時候,往往唔敢飲太多水,因為怕去到荒郊野嶺,人有三急嘅時候冇地方解決。而且我本身又唔鍾意飲水,所以成日搞到個人好乾咁,要成日用啲保濕嘅護膚品,等自己化妝嘅時候可以容易啲上粉。」

湯水最重要
向海嵐表示,除了依靠護膚品外,飲食方面亦要十分注意。向海嵐說:「我平時開工冇乜胃口,所以會盡量帶啲生果去食,補充水份。另外,湯水都好重要,由於我一個人住,成日要開工,冇時間自己煲湯,但最近我媽咪喺加拿大返咗嚟香港陪我,我幾乎日日都有湯飲。」
採訪、攝影:戴彩煥