蘇永康和安雅的尿液藥物複檢結果昨日出爐，報告肯定蘇永康和安雅服食過搖頭丸，報告結果震驚整個娛樂圈，有人認為做過的事要負責任，但蘇永康人緣好，不少藝人朋友仍一面倒相信他沒有服食過搖頭丸。
方子璇 ：我好少同安雅一齊出去，我哋唔啱Style，所以唔啱玩，係公司有嘢做先一齊。公司一向有叫我小心言行，我唔食fing頭丸，唔去rave，我只去卡拉OK。至於安雅會被送去戒毒，咁都冇辦法，做錯咗事就要承擔。
羅家英 ：𠵱家的年輕人當食丸係潮流，當食煙可以入娛樂圈，啲細路叼煙好似老槍咁。我唔可以試呢啲嘢㗎，我控制唔到，好似揼骨咁，一試就上癮，有人叫我試，重話食咗之後會覺得好似二十幾歲咁，但醒番之後又點？我唱大戲fing水髮fing完都痛啦，都唔明點解啲人要食fing頭丸！