小甜甜龔如心噚日都有去《大公報》百周年報慶酒會，佢俾傳媒圍攻完之後，就俾其他嘉賓圍，當中有對夫婦不斷搵啲名人合照，小甜甜同小小超當然都係「獵物」啦！
話說世界盃賽事漸進入高潮，一向活潑過人嘅小甜甜原來亦係球迷，至於佢捧邊一隊？「梗係中國隊啦！」今日兩點半中國隊對土耳其，龔如心話希望中國隊起碼入一球，佢就會好開心咁慶祝。究竟點慶祝呢？「會大笑囉，哈哈。」龔如心說。八方重以為小甜甜會拎三幾百萬獎金，激勵下班國腳，原來只係笑，果然節儉係美德。
（圖）酒會上，有對夫婦不停搵名人合照，小小超同小甜甜（左）當然唔會放過。 程志遠攝
傳真︰2623-9278
電郵︰