呢輪日日世界盃，其實好多人都希望老闆放假兩粒鐘，可以睇吓波。立法會議員就唔同，唔需要向人申請，亦可忙中偷閒。噚日開會期間，幾個白鴿黨友，包括張文光、李華明、陳偉業、鄭家富，同埋黃宏發、麥國風，就齊齊上去議員專享嘅咖啡閣睇波。其中鄭家富睇得最孤獨，皆因得佢一人專睇阿根廷同瑞典，其他人則睇英格蘭。
另一堆議員，例如自由黨主席田北俊、民建聯主席曾鈺成等，則同時現身會展，出席《大公報》百周年報慶。減下減下，得返唔夠一半議員開會。
講開踢波，霍震霆今日終於完成歷史任務，原來佢會再飛去睇中國對土耳其。八方聞說，唔少議員明日都會捧場㖭。
傳真︰2623-9278
電郵︰