宣萱及郭晉安昨日為無綫新劇《戇夫成龍》進行拜神儀式，未知是否兩人近日太投入世界盃，兩人竟然分別將英格蘭及阿根廷的球衣穿在戲服內，宣萱就連拜神時亦念念有詞：「英格蘭贏，開工順利！」
郭晉安（安仔）、宣萱、楊婉儀、陳秀珠、曹永廉及元華等，昨日於電視城為無綫新劇《戇夫成龍》進行開鏡拜神，由於近日正值世界盃，故各人的話題均離不開足球，身為劇中男女主角的宣萱及郭晉安，為支持世界盃，昨日分別將英格蘭及阿根廷的球衣穿在戲服內。
穿上英格蘭七號碧咸球衣的宣萱，在正式拜神時更念念有詞說：「英格蘭贏、開工順利！」原來宣萱自94年被無綫委派前往採訪當年的世界盃後，便成為球迷。她表示：「以前屋企人可以唔瞓覺睇波，我都唔知點解。不過自從94年我去咗做世界盃之後，就俾現場嗰種氣氛感染咗，之後就開始鍾意睇，今年我都有叫公司畀我去做世界盃，但係公司話叫我將啲機會畀新人。」問到為何支持英格蘭，她笑言：「我喺英國讀過九年書，而且隊波又多靚仔。」
另外，支持阿根廷的安仔則表示，最近因拍劇，故未有真真正正觀賞世界盃，幸好明天（今天）放假，終可與朋友齊齊觀賞。安仔笑言：「我呢件衫係我朋友喺英國買畀我嘅，尋日個衰婆（宣萱）打電話畀我，叫我一齊着球衣拜神，但點知監製話唔好，咁我哋咪着喺入面囉！」當儀式完畢後，兩人已急不及待脫去戲服供記者拍照。
採訪、攝影：王崇穎