噚日《大公報》百周年報慶，在會展中心開酒會，特首同三司、人大副委員長成思危上台主禮，台下小小超李澤楷就同記者呻，話投到嘅政府智能身份證合約無肉食，不過為放長線釣大魚都要做。原本只有幾個行家同佢傾吓世界盃，小小超話忙到無時間睇比賽，只有靠手機短訊先知邊隊贏波。佢又想當年，話主理衛視時有睇波，重話世界盃係廣告界嘅「閏年」，即係一嚿肥豬肉。
傾吓傾吓，身邊愈聚愈多人，無幾耐八方重聽到遠處傳來急急腳步聲，原來連電視、電台都走嚟睇吓佢有乜講。小小超成為全場焦點，發覺「闖禍」，猛話「你哋唔好咁啦！好似老師上緊堂，我哋成班喺度傾偈，唔係咁好啩。」睇嚟小小超以前讀書一定好乖。
（圖）酒會上，有對夫婦不停搵名人合照，小小超（左二）同小甜甜當然唔會放過。 程志遠攝
傳真︰2623-9278
電郵︰