鷹君集團創辦人羅鷹石次子羅旭瑞控制嘅世紀城市系三間上市公司，噚日舉行股東會，這位二十一年前因狙擊中巴而名噪一時嘅羅公子，今日已風光不再，皆因旗下公司巨債纏身，八方見佢都感受到一啲啲落寞。佢世伯、九巴董事伍兆燦亦係世紀城市非執行董事，佢對羅公子很有信心，猛讚佢好叻仔，相信好快會翻身。
講到狙擊中巴，有記者問羅公子點睇近期禹銘收購中巴一事，但佢都唔想評論。反而伍世伯講番段古，話說八一年羅公子狙擊中巴之前，曾經諗過收購九巴，因為九巴同中巴都有共同吸引點，就係車廠所在都係靚地皮，但佢後來冇掂九巴，伍世伯重入埋世城董事局，可謂世事難料。
傳真︰2623-9278
電郵︰