護膚產品日日新，適逢換季之時，喺時候試吓新到嘅夏季護膚用品，有見及此，小記特別為大家介紹卓悅位於旺角嘅特賣場，場內特價貨品多到數唔晒，當中最筍首推今季~H2O+嘅水中美白系列，部份貨色以震撼價三折發售，重有其他名牌保濕及洗面用品，記得把握時機入番啲新貨啦！
記者：許穗齡 攝影：陳偉強
Model：JessicafromStarzPeople
喺電視勁賣廣告嘅~H2O+水中美白系列，小記一直都有興趣一試，今次呢個系列嘅部份貨品以三折超筍價發售，當然要買支試試！其中呢支美白保濕噴霧，含豐富植物精華，包括桑樹根、葡萄核及蘆薈等成份，美白保濕又可均衡膚色，$71一支，必定爭崩頭！
容量：177ml
貨量：50
原價：$240
超筍價：$71
保護皮膚免受紫外線侵害，是夏日嘅基本護膚常識，呢支~H2O+水中美白防曬日霜，防曬度數為SPF15，蘊含四種防曬劑，能全面保護肌膚，其維他命C及桑樹根精華可以減退色斑，令膚色更均勻。
容量：44ml
貨量：50
原價：$380
超筍價：$114
雖然並非今季嘅新產品，不過呢款~H2O+海洋礦物泥面膜就深受女士們愛戴，連小記都係佢長期擁躉，皆因用後皮膚真係好乾淨，直情覺得毛孔嘅污垢都一次過清晒，最適合經常需要於戶外工作嘅女士們，一星期敷一次已經足夠，𠵱家$100唔使就有一支，絕對係入貨嘅好時候。
容量：120ml
貨量：60
原價：$320
超筍價：$96
日間要做好防曬嘅準備工夫，夜晚就喺時候為肌膚保濕，呢款水中美白晚霜含海洋精華、維他命及植物精華等成份，可以促進皮膚在夜間再生，其豐富的亞麻油酸能滋潤及紓緩肌膚，預防皮膚出現老化現象。
容量：50ml
貨量：50
原價：$420
超筍價：$126
多功能保濕
專家話面油過多嘅成因，可能係表面皮膚太過乾燥而引致，所以保濕是夏日護膚非常重要嘅一環。呢款SHISEIDO嘅滋潤乳液，不但可以為肌膚即時補充水份，重可以防止氧化，狂冧價只售$42，當然抵買！
容量：50ml
貨量：48
原價：$140
超筍價：$42
唔想搽完保濕再搽防曬咁麻煩，小記建議你買支有SPF度數嘅保濕液，呢款ESTEELAUDER嘅保濕乳液，就有SPF15防曬度數，補水之餘又不含油脂，𠵱家以4折價錢就可以買到，絕對值得一試。
容量：50ml
貨量：36
原價：$450
超筍價：$180
大熱天時面油當然強勁，除咗要注意日間控油之外，夜間都要記得調理油脂分泌。呢款LANCOME嘅夜間控油啫喱，蘊含二氧化矽微粒球體，能吸取面部過多的油脂，平衡面油分泌，令皮膚更光滑。
容量：50ml
貨量：36
原價：$300
超筍價：$120
清新潔面
咪以為唔使$40嘅潔面產品必屬無牌子貨色，呢款泡沫潔面用品屬ElizabethArden旗下VisibleDifference系列嘅產品之一，以直立式半透明樽身設計，備控油功能，一支200ml都只不過賣$39，小記都諗住買番支試吓！
容量：200ml
貨量：200
原價：$170
超筍價：$39
屬於油性或混合性皮膚嘅你，小記向你推介呢款控油潔面啫喱。呢款CLARINS嘅PurifyingCleansingGel，結合多種植物精華、維生素B6及鋅，可以平衡皮脂膜，有效減低面部出現粉刺及油脂嘅現象。
容量：125ml
貨量：60
原價：$125
超筍價：$48
一到夏天，女士們最需要嘅係一支能深層清潔嘅洗面膏，呢支LANCOME嘅潔面泡沫就最適合不過。潔面泡沫含抗菌成份，可以徹底清潔面部肌膚，其蘊含嘅水楊酸可以去除角質層，令皮膚又清潔又幼滑。
容量：125ml
貨量：60
原價：$160
超筍價：$68
卓悅特賣場資料
日期：即日起至6月16日
時間：9:30am-11:00pm
地點：旺角弼街69-71號地下
電話：23812855