趙世光紅顏知己譚玉梅昨日往金鐘出席法國美容品牌維健美與瑪莉格舉行的宣傳活動時，透露早前往韓國觀看世界盃賽事，她對於中國隊輸波，大感失望。伊人又表示因受趙世光影響，睇波的興趣愈來愈濃。
趙世光紅顏知己譚玉梅偕胞妹譚紅梅、混血名模Rosemary、吳文忻及溫碧霞等人，昨日往金鐘港麗酒店出席美容品牌維健美與瑪莉格舉行的宣傳活動。譚玉梅昨日竟以密實套裝示人，與平日性感打扮的她大相逕庭，伊人又嚷着要趕返家，觀看世界盃英格蘭對尼日利亞賽事。
提到世界盃，譚玉梅即滔滔不絕說：「我早前同妹妹，同埋一大班朋友專程去韓國睇世界盃巴西對中國嗰場賽事，我嗰日重着住紅衫白褲入場支持國足，佢哋輸波我都好失望，而月底喺日本嘅世界盃決賽，我都買咗飛。」
譚玉梅坦承對足球的熱愛與認識，是受好友趙世光所影響，她說：「我自己係捧阿根廷，而趙生就捧英格蘭，佢果然好眼光，英格蘭隊嘅表現真係好好。」問她與趙世光捧不同隊伍，會否因此有拗撬？她說：「咁又唔會，我哋都好少一齊睇波嘅。」
問譚玉梅與趙世光都熱愛足球，她有否見過趙世光落場踢波？譚玉梅即哈哈笑說：「佢咁肥，食量又大，又唔做運動，點踢波呀？」有記者對譚玉梅說：「咁你可以喺佢瞓着時叫佢起身做運動㗎嘛。」譚玉梅聽罷即說：「咁又係噃。」
此外，譚玉梅胞妹譚紅梅被問到早前往消遣時，有同行男士因她兩姊妹起爭執，昨日譚紅梅說：「我已經少咗去蒲，最多下次有外國男士撩我嗰陣，我咪扮唔識英文囉。」