陳曉東昨日為其新MV親選女主角，七位參賽者都非常戮力，施展渾身解數，有人使出從後熊抱東東，有人跪地，亦有人摸他下巴，令東東顯得頗為尷尬，其中一位參賽者更擁有東東前女友張栢芝的鵝公喉，亦有少少似栢芝，最後更獲勝取得女角資格。
陳曉東（東東）昨日為了新碟其中一首歌曲的MV，親自任評判選出MV中的女主角。比賽在尖沙嘴舉行，一共有七名參賽者，各人都要施展渾身解數，令東東選自己做女主角。
七位參賽者在比賽時都相當戮力，除了每人都要攀石及擺出不同的甫士外，有人更不惜從後抱着東東，亦有人向東東跪地求拜及摸東東下巴，令東東不知所措兼有點尷尬。最後由擁有一把張栢芝的鵝公喉，樣貌亦有少許像栢芝的Wendy獲得女主角資格。
問到東東有否感到勝利者Wendy有一把鵝公喉？東東說：「吓！係咩？唔覺呀！」對於被七位女仔又攬又跪，東東說：「啲女仔都幾大膽，幾好呀！又有創意，唔係淨係識企喺度唔郁，不過我都俾佢哋嚇親，估唔到佢哋做得咁放，所以搞到我有少少唔好意思。」
談到每個女仔都向他放電，他可有被電到？東東坦言：「吓吓都電到咪好易電死我，梗係冇啦！」
問到東東是不是給Wendy最高分？東東只說：「我都唔記得畀邊個最高分，總之個個表現都唔錯啦！」