香港管理專業協會最近頒發「2002年優質管理獎」，獎項分為大獎、卓越大獎同優異獎，新地屬下嘅康業服務有限公司就攞咗個卓越大獎，由近期人氣旺嘅東亞銀行主席李國寶頒畀康業總經理鄺正偉（圖）。原來呢個卓越大獎響91年設立以來，到今年為止只係得三間公司獲獎，康業重係第一家物業管理公司攞到呢個獎。
資生堂再租用東方廣場
長實位於北京東方廣場嘅寫字樓「東方經貿城」，同商場「東方新天地」，都吸引唔少品牌進駐，著名日本化妝品公司資生堂，舊年4月租咗「東方新天地」3000幾呎做旗艦店後，日前再租用「東方經貿城」近2萬呎做北京辦事處，希望可以前呼後應。其實之前已有其他日本牌子都係咁做，例如有（SonyExploraScience），同松下電器。有啲日本公司重索性租埋「東方豪庭公寓」同「東方君悅大酒店」畀駐京員工住。
蘭西