香港回歸五周年，康文署請到中國人民解放軍軍樂團嚟香港表演，八方噚日一心諗住捧吓內地阿兵哥場，去文化中心個記者會湊熱鬧，去到先知阿兵哥要七月四號先嚟香港。有啲失望之下將場刊翻轉，發現原來睇今次表演要收錢，票價好似演唱會咁分山頂價同握手價，由六十蚊到二百蚊不等。同場表演嘅重有駐港解放軍，表演刺殺操同拳術操，而國內指揮家張治榮、聲樂家韓芝萍都會參與其他節目。
康文署署理助理署長（演藝）鄧燕群被在場記者追問點解賀回歸活動要收錢，佢話康文署一般演藝活動都要買飛，又透露原來呢個軍樂團係主辦單位「聘請」來港，收幾多錢就係秘密，而康文署整個活動預算要用二百萬，如果入座率去到九成就可以補貼一半。
（圖）睇解放軍表演入場費最貴二百元。
傳真︰2623-9278
電郵︰