早兩日講起喇沙T，佢讀到後好大反應，不愧為香港精英，報紙咁細格都撈埋。當然，《蘋果日報》多人睇亦是主因。喇沙T講起本地周刊，好多題目來自網上流行嘅新聞組，尤其啲鹹濕題目。喇沙T講：「除鹹濕料外，其實啲波鞋、玩具牌子，新聞組上重多料，邊隻炒得邊隻做唔起價，睇新聞組定可預先收晒風。」
所以好多職業炒家每次掃貨做大買賣時，必先上新聞組收料，早時對波多黎各三代同玫瑰花MidCut，行貨開售之前新聞組已放晒風，話美國做唔起價，喇沙T同幾大炒家立即縮沙一對都唔入，如果唔係就壓重貨。喇沙T：「好多人以為上網賣乜賺乜，唔肯做資料搜集，同瞌埋眼買股票有乜分別？𠵱家係知識型經濟時代。」
喇沙T推介兩個新聞組wonder.interest.milk同newsgroup.sports.shoes，有好多行內料睇，其中一個重搞埋T恤比賽。新聞組都咁多嘢搞，真係要學吓嘢，否則知識型經濟真的就變成「姿色」型經濟，笑壞人。
主持人：大食Jack
八卦熱報：