香港奇事日日有，八方有日路過黃泥涌道，發現被譽為第三代「世紀豪宅」嘅跑馬地禮頓山下，出現一座外觀豪華、砌雲石外牆嘅建築物，格調有如禮頓山住戶專用俱樂部，但八方見到門外寫着「民政事務總署社區會堂」，點解有個咁靚嘅社區會堂呢？同禮頓山有冇關係呢？
禮頓山九九年底開售時，呎價最高達一萬元，發展商新地收咗一百億元，可說當年最貴豪宅。為咗了解個勞斯萊斯社區會堂由來，八方問新地啲朋友，果然係同禮頓山有關。
據講，新地同政府傾禮頓山發展計劃時，批地條款內規定新地要在地盤內興建一個社區會堂，重要興建一個羽毛球場，然後交畀政府供公眾人士使用。新地為求配合禮頓山嘅豪氣，將個會堂建得一樣咁豪華。雖然佢沒講建築成本，但無論以用料及地段衡量，八方肯定呢個係香港最富貴之社區會堂。
有趣嘅係，禮頓山住戶個個大闊佬，邊個需要用呢類社區設施呢？而打風落雨時，個會堂開放予露宿者過夜，咁的露宿者咪同班千萬豪宅富豪住埋一齊？
傳真︰2623-9278
電郵︰