張信剛校長昨日出席香港城市大學一個香港同內地大學生交流嘅活動，演講時以《西遊記》vs《哈利波特》，引發學生思考中國文化會否被西方普及文化取代，更用流利普通話發言，得到內地學生讚賞。
張校長又回憶自己當年讀史丹福大學時，同Intel華人副總裁虞有澄係同窗，六二年虞有澄有次同佢晚飯，食緊雞時話自己做緊個微處理器，有十幾個原子粒。估唔到九九年虞有澄竟然成功喺同樣大小嘅微處理器上，做到過千萬個原子粒。
城大呢個活動又請到創新科技署長何宣威做講者，何署長好有信心，話新加坡一日唔准市民食香口膠、留長頭髮，香港就一日都未使驚呢個競爭對手。至於佢會唔會喺問責制後做秘書長，何署長就話未有人同佢講過呢件事。
傳真︰2623-9278
電郵︰