香港警隊網球隊同深圳公安網球隊每年都會友誼賽，舊年港隊輸畀深圳，上月港隊就由兩位副處長李明逵同劉玉權親自帶隊再戰深圳公安，八方知道李Sir同劉Sir呢兩位副處長都係網球高手，結果港隊喺兩位副處長協助下，七場賽事中喺先落後一比三情況下，連追兩場，打成平手。
喺最後一場決勝負嘅比賽中，劉玉權聯同柴灣分區巡邏小隊第一隊督察李國忠合力，險勝深圳市公安局副局長余新國同深圳市公安局警衞處科長劉同喜，最終以四比三反敗為勝，擊敗深圳公安隊，奪得深圳公安友誼盃。
（圖）劉玉權親自帶隊挑戰深圳公安成功。
傳真︰2623-9278
電郵︰