為小朋友添衣並非難事，皆因優質名牌童裝四處可見，不過價錢當然唔合乎經濟原則。今次為大家介紹呢個上樓特賣場，就以售賣出口童裝為主，以售價超筍作為賣點，全部都屬六十蚊以下貨色，想幫B仔B女買又平又靚嘅時款服飾，就唔好錯失良機。
記者：許穗齡
攝影：林栢鈞
Model：李格爾、羅沛妍
專家教落小朋友應該從小養成做運動嘅習慣，B仔只得幾個月大當然唔識得打棒球，不過呢款棒球連身衣相信可以引起仔仔對運動嘅興趣。連身衣以全棉製造，其衫鈕以迷你棒球為造型，非常可愛。隨衫連埋一頂同款Cap帽，重有淺藍色及深藍色任擇。
尺碼：3至9個月
貨量：100
街價：約$100
超筍價：$49
粉紅色始終係女孩子嘅標記，呢款無袖小短裙就絕對能凸顯B女可愛跳脫嘅一面。全棉製短裙連小短褲一條，上身以圓領無袖式設計，讓BB露出肥嘟嘟的小手臂，裙面重繡上一朵朵玫瑰花，簡單又可愛。
尺碼：3至6個月
貨量：50
街價：約$150
超筍價：$59
男孩子的衣服花款雖然唔及女孩子多，不過都唔係完全無選擇，呢款全棉恤衫連短褲就屬今季型仔首選。上身恤衫以綠色為主色，印有昆蟲及葉片圖案，再襯埋淺黃色嘅短褲，着上身非常醒目有型。
尺碼：1至2歲
貨量：80
街價：約$90
超筍價：$39
小朋友當然是肥肥白白至夠可愛，呢款鬆身剪裁嘅連身衣就啱晒各位小肥肥。鬆身一件頭以60%棉、40%人造纖維製造，粉紅色布再加花布包邊，其特點係下身非常闊落，就算包住尿片都可以行動自如！
尺碼：3至9個月
貨量：200
街價：約$60
超筍價：$10
BB仔嘅衣櫃裏通常都唔少得蛤乸衣，皆因蛤乸衣夠方便又易穿着，今次就有多款全棉嘅蛤乸衣以超低價發售，一律只售$10，圖案花款選擇非常多，想買多幾款作替換就要把握良機啦！
尺碼：3個月至1歲
貨量：800
街價：約$40
超筍價：$10
公主袖話晒都係近期大熱的潮流衫款，B女當然要追貼買番件，小記就推介呢款鮮黃色嘅公主袖短裙仔。全棉裙仔連短褲仔，除了以夠時款嘅公主袖設計外，裙邊更以白色布繡有小鴨仔的圖案，夠晒Cutie。
尺碼：3至9個月
貨量：80
街價：約$90
超筍價：$49
呢款全棉製嘅紫色連身衣，下身有兩個用格仔布做成的小袋，袋口上方再繡上花朵，賣相甚似一盆小盆栽，加上束袖設計，小朋友着上肯定分外可愛。
尺碼：3個月至2歲
貨量：50
街價：約$100
超筍價：$39
小記覺得BB女唔一定着裙先至可愛，呢款短褲仔套裝都一樣可以表現出佢哋可愛活潑嘅一面。全棉短褲仔套裝以圓點為主要圖案，在扣鈕位置則縫上蝴蝶及甲蟲等小昆蟲，充滿夏日Feel，連埋一對小襪仔只不過賣$49，當然買得過啦！
尺碼：3至9個月
貨量：30
街價：約$100
超筍價：$49
今年蝴蝶圖案大熱，小妹妹都想湊熱鬧的話，一樣有筍貨推介。呢款縛帶背心連短褲屬全棉製造，印有簡單的蝴蝶圖案，再襯埋紫色褶邊，夠晒活潑可愛。
尺碼：1至2歲
貨量：20
街價：每套約$80
超筍價：$50兩套
唔鍾意小朋友着得太花巧太老成，不妨考慮呢款水手裝。水手型蛤乸衣以100%全棉製成，淺紫色配白色格仔，夠晒簡潔清新，再加埋領口位的白色布帶及小絲帶結，$50就買到兩件，質料及款式都屬超值之選。
尺碼：3至9個月
貨量：80
街價：約$60
超筍價：$50兩件
特賣資料
地點：藏寶庫
日期：即日起至6月17日
時間：10:00am-8:00pm
地址：旺角花園街220號閣樓
電話：23956320
＊只收現金