「我讀中一，已經好多時淨係帶樽水同幾塊餅乾返學校當午餐，另外只可以搭無冷氣而車費平嘅巴士返學放學，但每個月都要六、七百蚊開支，令姨媽負擔好大。」十四歲的阿冰歎道。
阿冰的父親早前心臟病猝死，遺下她孤苦無依，須寄居姨母家中。可是姨母近月因失業經濟緊絀，難以再給予阿冰生活費及零用費。阿冰的姨母張女士向記者訴說：「阿冰嘅母親亦有心臟病，一直喺鄉下住。阿冰呢幾個月住喺我屋企，好知慳識儉。佢每日放學返屋企都好勤力做功課同溫習，真係好生性。最弊𠵱家我同老公都無嘢做，靠個仔做地盤散工收入唔穩定，勉強夠應付成頭家嘅支出，已經無得畀零用錢阿冰。」張女士與丈夫原分別從事售貨員及泥工，刻苦耐勞。
品學兼優的阿冰，最感興趣的課外活動是義工服務。她有感而發地說：「做義工嘅滿足感好大，可以令身邊嘅人開心。前排老師選咗我做風紀，幫手維持學校秩序，暑假期間將要參加一個訓練營，費用二百二十蚊，我都唔知點儲錢去交呢筆費用！」
蘋果日報慈善基金了解阿冰的情況後，即時撥款三千元，助她應付上學的交通支出及午膳費用，解決短暫生活需要。 捐款編號：C0581
暖流熱線
電話:29908688
傳真:23702192
電郵:
網址：