早前，日產新一代March面世，備受本土車迷追捧，卻苦了香港嘅代理商；事緣新車供不應求嘅關係，新款March快者都要9月上旬，方有機會正式登陸香港。而歐寶嘅新款Corsa，加上福特嘅Fiesta即將抵港，最近亞Mark收到風，話日產代理有意提前March嘅預售，並計劃運嚟一、兩部March作預展收訂㖭！查實，亞Mark一早都認為代理商應該咁做，皆因前車可鑑嘛！早有豐田Echo、後有本田Jazz，既可清楚車款嘅銷量，又可以收訂Keep住班客，何樂而不為呢？聽聞代理方面將March嘅預售價訂響11萬2千嘅位置，較豐田Echo同本田Jazz都要便宜；對March情有獨鍾嘅朋友，就不妨拭目以待喇。