英格蘭大戰阿根廷當晚，所有有轉播世界盃的酒吧食肆都幾乎爆場，吸取教訓後唔想再臨急四圍搵靚位睇波的話，快啲揀好日子訂位，用150吋大電視專心欣賞餘下賽事，兼有特色小食送波，實行全情投入世界盃的白熱化階段。
記者：莫麗嫦
南非免治羊肉球$38（左上）
西班牙辣肉丸$38（下）
今日南非大戰西班牙，一邊食住羶香的羊肉球，一邊大啖咀嚼惹味辣肉丸，兩隊「球」員在口腔內一觸即發；同場重有日本隊加入戰團，以特色的壽司波成為全場焦點，成為各食客心中的大熱之選。
太平洋海鮮芒果球$48（下）
睇下晝波，啤酒、花生、生果盤送波唔夠喉，又嫌主菜太飽滯？來一個啤酒炸生蠔同海鮮芒果球，份量不大，勝在一個惹味另一個清甜，作為睇波小食就啱晒。
店名：花園軒
電話：28872888
地址：北角城市花園道9號北角城市花園酒店