醫管局傳來喜訊，佢哋個「思覺失調」健教活動，奪得國際傳播專業人士協會（IABC）之GoldQuillAward，呢個獎係傳播界奧斯卡，今年參賽作品有1,347件，香港只有六人得獎。
八方打電話恭喜喺醫管局有關嘅主事人AmyChan，佢好開心，猛話今次係健康教育嘅突破，畀大家知道宣傳健康資訊可以好科學好有系統，可以準確量度效果，而唔係上電視唱隻歌咁簡單。
香港人怕精神病，諱疾忌醫，本來醫得好嘅病都拖到好嚴重，思覺失調就係呢類病；以前有人譯做「重性精神病」，嚇都嚇死，但醫管局改過個名，咁就得咗。單係思覺失調四個字，都抵佢得獎。
傳真︰2623-9278
電郵︰