上屆冠軍法國隊出師不利，先負塞內加爾，再和烏拉圭，今天對丹麥可謂是生死存亡一戰，許勝不許和。
陳松伶（圖）認為法國今仗的勝負關鍵，在於法國隊的中場靈魂施丹能否出場。她說：「如果施丹復出，法國就一定能夠贏到丹麥，比數我估係二比○。」
球王施丹更是陳松伶的偶像，她說：「施丹球技真係好好，交波準繩。我真係好鍾意法國隊，我一直都捧佢哋㗎。」
但若果施丹不能出場，陳松伶對法國隊嘅出線就不樂觀了。她說：「施丹出唔到嘅話，我估呢場波會和居多，所以我真係希望佢可以出場。」
對手丹麥陣中，陳松伶對射手湯馬臣最有印象，她說：「湯馬臣好厲害，法國真係要留意佢，唔好畀佢入到波。」