話咁快就回歸五周年，八方唔少老友記噚日都收到民政事務局寄出，邀請出席回歸慶典嘅靚靚請柬，上面分別好端正咁印咗漆金字體。局方話，佢哋分別寄出六百份升旗儀式請柬，同大約二千張就職典禮邀請。
不過，八方睇真啲就覺得有啲奇怪，請柬附上回條一張，要嘉賓回覆出唔出席，呢個完全冇問題，奇就奇在另外有一張「嘉賓身份核實表格」，所有嘉賓除咗要填寫姓名、出生日期、身份證號碼、電話等個人資料外，重須簽署同意自己「申請參與」慶祝活動，資料亦都會轉交警方核實。
八方明白有領導人出席慶典，保安方面係緊張啲，但明明係政府欣賞班社會賢達，誠邀佢哋一齊慶祝，點知原來係政府睇得起佢哋，先至畀機會佢哋「申請」做嘉賓。呢個政府真係唔話得！
傳真︰2623-9278
電郵︰