立法會昨日開會講固網互連呢個「拗不完」的題目，雖然冇乜高潮，但八方都聽到一些笑料。其中最好笑係香港寬頻主席王維基。佢在提交畀立法會的意見書內，指有些固網商，以當初八號仔（電訊盈科）留難他們的手段嚟對付香港寬頻，情況有如「當日二奶入門時給大婆為難，如今三奶入門，二奶就照辦煮碗，使出比大婆更激烈的手法去欺負三奶」。不過，王維基朗讀到呢段意見之際，赫然見到劉慧卿舉手，王即時將「大婆二奶」比喻改為大學玩新生；卿姐事後亦讚佢醒目，識收番侮辱女性的字眼。
至於噚日冇同對手作「口舌之爭」的電盈副主席張永霖﹙圖﹚，在生日狂歡之後聲線仍有點沙啞。佢同八方講，自己都好想睇世界盃，但屋企冇裝對手的設施，酒吧又爆晒棚，於是惟有企響街睇。
傳真︰2623-9278
電郵︰