蘇永康日前在台北夜店涉嫌藏有搖頭丸被捕，香港演藝界俱十分關注，陳小春、黎明、張衛健及王敏德等人各有意見。
王敏德 ：我二十四歲之前都同陳欣健、岑建勳去Canton的士高玩，試過食可卡因，食到有幻覺，好驚，之後唔敢再試，我覺得十八至二十六歲藝人去的士高玩好正常。
黎明 ：印象中蘇永康係一個好健康嘅歌手，我試過同佢喺瀋陽做騷，我見佢去做運動，我相信佢唔係嗰種人，呢個係一個布局，佢係俾人設計陷害。
陳小春 ：唔關小唔小心事，咁大個人做乜都係自己揸主意啦！況且又（指蘇永康）唔喺香港犯呢件事，今日（即昨日）佢都話唔係，唔係咪得囉！我自己識跳舞就唔需要搞呢啲嘢，有冇人叫過我食？叫我就要食咩！我又唔係小朋友。
張衛健 ：我絕對唔信康仔係啲咁嘅人，如果佢有服食嗰啲藥物嘅習慣，我哋識咗十幾年，點都會睇到。我噚日（即前日）陪咗康仔媽咪去台灣，我都有見過康仔，佢當然唔開心，但我哋見佢好鎮定。