香港呢輪最HOT嘅話題，除咗係世界盃，就係邊個做部長。話說上個星期五，立法會主席范徐麗泰請班議員同特首、眾高官食飯聯誼，好多現任局長都有到場。議員梗係圍住班官員收吓風，追問佢哋會唔會做將來嘅問責局長，以及邊個外人會入嚟做「D狗」。
財經事務局局長葉澍堃﹙圖﹚真幽默，叫大家唔好再追問佢，因為自己冇料爆，但係大家可放心，董內閣一定會有個葉局長。在場人士都會心微笑，皆因知道佢係講緊狀態大勇、一定唔會墮馬嘅葉劉淑儀。不過，葉澍堃又唔使咁謙，董內閣分分鐘出現「孖葉」，即係兩位葉局長都唔奇。
傳真︰2623-9278
電郵︰