平時官仔骨骨嘅房屋署助理署長（資訊及社區關係）潘啟廸（圖）自少熱愛足球，佢今屆原來係捧阿根廷同法國，但係睇完近幾場賽事，發覺愈來愈唔對辦，所以改為捧以八比○勁數沙地阿拉伯嘅德國。
K.T.（潘啟廸洋名簡寫）話：「今時今日嘅足球唔可以再講個人球技、賣弄花巧，雖然英格蘭係贏咗阿根廷，但係佢哋咁標榜碧咸，唔係好事；反而今屆德國隊就好實際，成隊波重好似機械咁準確，所以可以八比○贏沙地，好有冠軍相。」
K.T.重話，自己早喺香港球星張子岱、胡國雄嘅年代已經成日睇波，不過，上咗大學就無咁多時間。由於今屆世界盃賽事多數喺日間舉行，反而少咗機會睇，因為返工時間唔能夠睇，自己又唔習慣錄影嚟睇，只好周末放假時「隨緣」收睇喎！