70年代，法國時裝名牌ChristianDior設計首副以塑膠製作的鏡架，成為眼鏡/時裝史上最破格的設計；80年代，阿曼尼重做了18世紀魚絲架，被譽為是眼鏡潮流新經典；90年代末，香港人愛跟東洋風；「4條9」（999.9）、KATA、泰八郎等東洋鏡架賣價近$3,000，依然大把人爭住買！
「4條9」鎮山寶是其標榜人體力學而設計的眉架，面世已近5年，確是時候賣賣新設計；而新貨的「4條9」主力玩膠架，玩限量、玩自家手做，還有賣彈臂膠的高科技設計。而後者KATA更愈玩愈激！其鏡臂設計竟鑲入尖嘴魚、羽毛骨幹；誰說眼鏡只係攞嚟戴，計我話就直頭係藝術品！
記者：陳嘉文
攝影：林栢鈞
絕對是「4條9」自眉架以來的最堅的精品，讀者靠肉眼未必100%感受到其質感。不過，拿上手就知其質料靚絕，永久耐用的承諾確實唔係靠嚇。全人手製的限量膠架，首次由「4條9」工場自家製造，是品牌堅持由頭到尾以工匠式手製技術的精品。
「4條9」一向甚少有粗框膠架設計，02推出是順應YSL熱潮乎？而賣相更極似50年代法國經典的Laptin（已執笠）太陽超，夠晒Retro！
玳瑁眼鏡早已被禁，但眼鏡設計師依然對此天然物料甚為懷念，而02的「4條9」亦有此款仿玳瑁膠架。
從前玩彈臂呢科均是歐洲品牌居多（PhilipStarck根據人體骨骼設計的360度任扭鏡臂係始祖），02年「4條9」加入戰圈推出彈臂膠王，任扭唔嬲！
KATA的設計師BlakeKuwahara，被雜誌《i籺》譽為是當今最傑出的眼鏡設計師之一。本身就是一名視光學博士的Kuwahara認為：一對舒服的眼鏡就等於一對舒服的皮鞋。是故其品牌的Slogan也是打正旗號地說明"JapaneseWordForShapeAndForm"，計我話KATA點止舒服咁簡單，其TempleStyle系列直頭係一件工藝品！
KATA的膠架物料均源自意大利，Kuwahara話這是當今市場上最佳的塑膠物料。
膠臂為外層，內有的骨幹部份竟是一條尖嘴魚，真刁鑽！
這個全側Shot可以完全睇晒KATA標榜的ShapeAndForm玲瓏浮凸身形，真係靚絕！
Kuwahara只採用兩口螺絲設計的無框鏡架，可謂是當今世上玩此科的示範作！老實講，那堆時裝名牌的無框超，真係要彈開！
售賣點：
尊貴視力（28822948）
銅鑼灣蘭芳道1號