國學大師饒宗頤一生與書本為伍，曾幽默的自封為「大書家」。他二十年前退休時，家人為他在跑馬地買了個一千呎的單位，可是單位最終用途，完全跟商業無關，只放滿饒宗頤多年累積的書本，成為他的「大書櫃」。
「佢要睇書唔使去嗰間屋，佢自己屋企都好多書睇。」學術界後輩都尊稱饒宗頤為饒公，他的女兒饒小姐說，老父生活簡樸，為人隨和：「佢淨係會做自己喜歡嘅嘢，物質同金錢佢都唔重視，所以啲銀紙一定唔會過佢手，都係屋企人幫佢處理……可能冇人會好似佢咁儍，但佢其實真係一個好可愛嘅人。」女兒眼中的饒宗頤，甚麼人也可以跟他交朋友。
饒公小時讀私塾，也曾於潮州著名的金山中學讀書，他從無入讀正式大學，但二十五歲便在國內大學任教，之後一直努力學術研究，分別於香港兩間大學及海外著名學府，包括美國耶魯大學任教。他在饒宗頤學術館成立典禮當日接受訪問，強調自己是香港培養的學者。
最近饒公將一幅《心經》墨寶送出，希望完成二十二年前他在泰山下萌生的念頭——將《心經》刻在香港山崖上。終於去年中他以一個多月時間，寫成予人和諧感的《心經》墨寶，全文二百六十字，送給港人。政府現正為《心經》找尋好歸宿，考察大嶼山的山坡是否適合鐫刻饒公的《心經》墨寶，使一代國學大師的手稿，成為香港旅遊景點。
饒公說，《心經》精粹之處，在於「心無罣礙」。罣（粵音掛）即障礙，「四字意思係心中平靜，冇嘢引起麻煩。」
談到香港人切身的經濟問題，他以《心經》「色即是空，空即是色。」兩句教人不要執着:「要習慣放下。」他說：「色唔係Color（顏色）咁解，而係一種形體，永遠在變化中，今日你係人，明日你變咗骷髏，如果你執着永遠要咁樣，喺個變化過程裏面，你就好Stupid（愚蠢），因為你執着嘅嘢，一陣間就可以唔係你嘅。」
記者：冼麗婷
（周一至周五刊出）