自寶馬將Mini收歸旗下後，便於去年推出全新版本；新車不但廣受各地車迷歡迎，而創出驚人嘅銷售紀錄之外，喺由正式投產至今只有短短13個月嘅時間內，更合共生產咗為數達十萬部嘅新款Mini，當中包括有MiniOne、MiniCooper，以及近期炙手可熱嘅MiniCooperS。而第十萬部新Mini亦經已喺剛過去嘅5月30日，喺位於英國牛津嘅廠房誕生，型號則為MiniCooperS。
寶馬車廠高層不但對新Mini嘅銷量感到滿意之外，最近更決定將牛津廠房今年嘅產量，再調升多約15至20％，另外更會喺明年（2003年）推出配用柴油引擎嘅新Mini，以迎合車迷嘅要求，睇嚟新Mini真係魅力沒法擋噃！