球星如雲的葡萄牙今天對波蘭，形勢上不能再輸，任港秀（圖）估今場葡萄牙會發威，贏波蘭二比○。
任港秀說：「上場美國爆冷贏咗葡萄牙三比二，波蘭又輸咗畀南韓，今次兩隊波碰頭，我就睇好葡萄牙嘞，佢哋今次實贏！」
上次葡萄牙輸波，跌爛不少人啲眼鏡，連任港秀亦不例外。她說：「我聽人講葡萄牙好勁㗎，但居然都輸波，不過我認為唔會兩次都會爆冷嘅，上次波蘭連南韓都贏唔到，踢得咁曳，所以我都係睇好葡萄牙會贏，跟住再贏埋南韓，咁就出到線啦！」
問任港秀在眾多葡萄牙球員中，看好誰人今場會入波？她說：「梗係費高啦，佢係球王嚟㗎，咁好波嘅球員，入一球我諗唔係問題啩？」