Twins昨日出席屯門一個簽名會，但臨場她倆只被安排派發肖像卡，不過仍有一對嫲孫及兩名歌迷上前索取簽名，其中一名男fans遭拒絕即破口大罵，最後Twins為他們簽名，事件才得以平息。
二人組合Twins昨日往屯門市廣場出席「Super-X」簽名會，但臨場只安排Twins為慈善拍賣衣服，以及大派印有Twins的肖像卡，吸引近千人圍觀。
Twins在台上派卡期間，有一對嫲孫及兩名歌迷上前要求索取Twins的簽名，但遭拒絕，其中一名男fans即時發難大罵：「你簽唔簽呀，𠵱家你簽佢唔簽我呀！」Twins的助手見狀大為緊張，指着該名fans說：「你唔好行咁埋呀！」Twins即時大感無奈及不知所措，但最後她們亦勉為其難為三位歌迷簽名。
其後問Twins是否感到十分害怕，二人均說：「怕㗎！啲fans咁冇禮貌，本來都唔想幫佢簽，因為條人龍好長，簽得一個就要簽埋其他。」事後本報記者接獲一名Twinsfans林先生投訴，他說：「我好不滿Super-X嘅安排，我排隊時，佢哋話可以簽，但事後又唔畀。」
此外，Twins昨日中午在尖沙嘴出席「可口可樂Twins熱唱YesssssSummer」的活動，她們表示只是負責可口可樂暑期計劃的宣傳，她們說：「我哋唔係取代霆鋒嘅身份，因為佢係代言人，而我哋只係呢個活動嘅宣傳大使。」