一直為車迷所鍾愛及追捧嘅豐田Altezza（即港版凌志IS200），若明年下半年推出全新一代的話，好大機會改配上一台2.5及3.0公升V6偈，令性能表現可拍貼其他歐洲同級對手。然而，2.0公升級別卻會少欠了一款高性能嘅房跑車型號；可能有見及此嘅關係，豐田車廠將於明年夏季推出全新Vista車系，可會有一次大變革。新款Vista唔再係一部走高級路線嘅中型轎車，而係有一身渾然流暢，富肌肉感兼惡形惡相嘅房跑新車，廠方重有計劃為其配上一台現行用於Celica身上，輸出有190匹嘅1.8公升直4DOHC引擎，以及一套6前速手動波箱㗎！
大抵呢部新款豐田Vista，會係較後時間推出嘅本田Integra四門版，所會面對嘅一大勁敵呢！