啱啱同老婆去巴黎返嚟嘅李國寶，前晚又一齊出現喺灣仔君悅酒店，任影唔嬲。原來係李國寶宴請摩根大通投資銀行部總裁DavidCoulter夫婦，而李太潘金翠形影不離陪伴在側。
至於寶Baby被問及同廖碧欣再約會嘅事，佢只答話：「唔該晒，唔好意思。」記者問佢同太太遊巴黎是公幹還是純粹遊玩，佢亦沒有回答即返回酒店。到午夜十二點幾，兩夫婦喺後門分頭走。
事有湊巧，李國寶舅仔潘廸生個女潘楚穎前晚同好友羅揚傑等人亦出現喺君悅酒店。問潘楚穎覺唔覺得婚外情係錯嘅？佢話：「每個人都有自己唔同嘅準則，我成日唔喺香港，都好少見姑丈佢哋一家。」點睇姑媽潘金翠？潘楚穎話：「如果件事發生喺我身上，我都會好唔開心。」
（圖）李國寶夫婦一齊到場，但離開時就分頭走。 馬啟然攝
傳真︰2623-9278
電郵︰