糭係端午節應節食品之一，市面推出嘅糭品種更加係多元化，計我肥師話唔識包糭其實買現成貨都係一個好方法。
我今次要介紹嘅係呢款一哥點心瑤柱燒鴨裹蒸糭，連我嘴刁嘅老公都話好食，重話啲餡夠多，除咗糯米、豬肉、鹹蛋成份之外，重食到有綠豆、花生、紅豆等，十零蚊隻足夠兩人食用都抵啦！
文：肥師奶
我曾經講過今年荔枝好抵食，應該無介紹錯啦！對上一次同大家介紹過妃子笑，接住嚟緊嘅有桂味，剛上市無耐喳。桂味質素僅次於糯米糍之下，但價錢較經濟，今年更加係抵食嘅一年，平均每磅平咗一成半。
我肥師奶鍾意桂味多過糯米糍，除咗價錢經濟啲之外，另一因素係貪佢食味比較清。桂味果實大小適中、果形圓而帶有略尖嘅鱗狀，摸落有啲拮手，咪搞錯呀！