奀妹傅天穎昨日首度擔任泳衣show模特兒，往元朗為樓盤造勢。只見伊人腰間圍上披肩，圖遮掩發福不少的身形。奀妹表示已進行keepfit大計，每周勤玩高溫瑜伽，希望盡快以fitfit身形示人。
奀妹傅天穎、名模陳嘉容和另外兩位模特兒，昨日在元朗采茵軒樓盤演出一場池畔泳衣show，她們均穿上黛安芬泳衣亮相。
奀妹昨日自備綠色披肩，與她所穿的深色泳衣明顯不配襯，她說：「冇法啦，我知自己肥咗，同埋唔想咁性感嘛，今次係我第一次行泳衣show，着一件頭已經係極限啦，我冇條件亦冇膽量着比堅尼泳衣呀。」
奀妹又表示為了積極keepfit，最近開始做高溫瑜伽，她說：「我每個禮拜做兩次，每次做個半鐘，雖然重未覺得輕咗，但係啲肉就真係結實咗。」
問奀妹有否留意蘇永康在台灣涉嫌藏毒的新聞，她說：「我知呢單新聞，不過我同佢哋都唔熟，我諗係一場誤會啫。」
奀妹又表示自己生活正常，在台灣時絕少蒲夜店，所以蘇永康涉案的「TeXound」酒吧，她亦從未踏足，她說：「我好珍惜自己嘅前途，唔會亂嚟嘅。」