大學校長退休後可以做乜？呢個問題有好多答案，其中一個係上市公司董事。八方聽聞，科技大學前校長吳家瑋繼幫羅康瑞之瑞安做顧問外，又會出任上市公司萬威科技嘅非執行董事。
本來，呢類董事都係一些掛名性質嘅工作，但自從美國能源公司安然爆出醜聞後，非執行董事一職便變得不再簡單，做呢份工恐怕要花不少精神去了解公司經營狀況；再者，吳校長早前曾出任非執行董事一職的上市公司數碼庫爆煲，重傳出唔見錢消息，所以吳校長今次肯擔任此職，相信事前也經過一番考慮。
大家可知萬威做乜嘢業務？佢哋主要係搞電子產品，上市已有多年，生意平穩增長，最特別的是去年請來馬會主席李福深之子李國法出任財務總監，今次搵埋長袖善舞嘅吳校長，知名度勢必飆升。
傳真︰2623-9278
電郵︰