做潮流生意除了要行得前更要緊貼市場，捉得快。此話套用於近期荷李活重頭製作《蜘蛛俠》與《星戰前傳Ⅱ》所衍生出來的副產品上絕對不假。前者的熾熱程度，就連街邊走鬼檔也有蜘蛛俠Figure售賣。大概只要你行得快，一樣搵到餐食。之不過，此類潮流玩意只可作短線投資，有心搞潮流生意，除了要懂得緊貼市場外，眼界更重要！
OWLSHOP除了有大熱Sneakers外，還有由店主阿豪發掘的另類原宿品牌及自家品牌發售，而對搞潮流生意，阿豪更道出此門生意的獨特見解。
記者：陳嘉文
攝影：楊錦文
今季的布鞋熱到滿瀉，熱賣貨品計有紐約Alife的Ritefoot；東洋UnderCover的Silp-On；百年經典Converse的Acute；而OWLSHOP更引入美國老牌Pro-keds「老尖」布鞋，顏色搶眼到極！
平凡得可以的Silp-On布鞋，落入㗎仔手上即時身價飆升數倍，動用真皮製作的Vans，賣相真豪華！
潮流友見到會瘋癲的Supreme版AirForceHi，OWLSHOP又點少得！
近期Edison及Twins就係着緊呢對adi板鞋，顏色共有9種之多。明星效應呢招絕對令Snarl火速上位！
Mangostin-WC$860
世界盃熱令Mangostin-WC熱潮火上加油，數度斷市的日版亦有少量貨到。
「由利時商場搬到此地舖，為的是先前的空間着實有限，加上香港人玩潮流已非局限於某一種Style，故此，就算原宿熱也應有多樣化的品種可供選擇。OWLSHOP除了有服侍大眾潮流友的熱賣波鞋，我們亦會到東洋發掘一些有潛質的Alternative製品。例如我們引入了原宿品牌Politix，就是因為他們今季所推出的ReproductionJeans，製作手工足以拍得住貴佢幾倍的Number（N）ine牛仔褲。」
PolitixReproductionJeans$880
至緊要有Message
「近兩年潮流界興起本地創作，結果香港人又一窩蜂。坦白講，當時混水摸魚嘅人的確唔少，故水準非常參差；我始終認為搞自家Brand除了其品牌要具個人風格外，帶出Message更重要！OWLSHOP的自家Brand喚作Empire，取其名是因為一個國家要強要實力才能叫作帝國，故要成為Empire，除了要食腦、懂變通外，還要自強。而今季Empire的Tee會以國際象棋作主題，概念亦是源自現今弱肉強食的世界觀。」
咪以為做潮流生意只要定期買/睇齊各老外潮流雜誌就會發達，阿豪更坦言販賣大熱波鞋純為滿足主流的潮流友，要知搜羅東洋有價有市的大熱品牌，來貨一定貴！因此左計右計到頭來唔會賺得幾多！做生意始終係長線計劃，故阿豪認為主流大熱貨品固然要有，但考自己眼光而引入的新品牌及製作自家Brand，才是現今搞潮流舖的生意之道。
售賣點：OWLSHOP（23677357）
尖沙嘴嘉蘭圍52號E地下