個個化妝牌子都話自己必屬佳品，粉底眼影持久夠幼滑，唇膏睫毛液絕對防水唔甩色，而你又試過幾多係真又邊個搵老襯?每個人的皮膚性質都不盡同，人哋話好自己又未必啱用，始終都係自己試過用過先Feel到。有些美容老牌生存咗好耐亦不斷有捧場客，相信品質始終有保證又比較信得過。記得自己細細個已經好貪靚，不時偷用母親的Clinique乳液，雖然此牌近年都搞品牌年輕化，但心目中佢始終係穩重兼畀到你信心。最近Clinique新推的SPF15爽膚持久粉餅，聲稱的功能仿似十項全能，真係要用耐咗先知有無搵笨，但初步用後感是粉質幼滑，效果不錯。即時見效，相信已是女人決心要買起佢的理由。
記者：梁珮瑜
攝影：陳穎
各Clinique專櫃有售（29181093）